رقيق اعزوم من فقدت غوالي..وحالي شين عايش عالرجاء
رقيق اعزوم من فقدت غواليوحالي شين عايش عالرجاء
وعندي جرح سامر به ليالي
بيه انموج ونرمي عالبكاء
طبيبه غاب مو عالم بحالي
بعيد علي مو جايب نبا
ملي صار فيا وما جرالي
من سيات ومن هم وكدا
انشالي دوم ماوالي صغالي
امغير الله ليا هو النجا
نطلب فيه يقربلي غوالي
ايجر الجرح وايجيب الدواء
وننظر زول بو حاجب اهلالي
بعد تقهير وايام الجفاء
لكن ياس متربع اقبالي
قال انموت ما صار الدناء
شينك بخت حطمهن امالي
قعدت اوحدي مافيا عزاء
كربت احبال غلاه مع احبالي
ويا ستار يا عالم بحالي
حن علي راه نوري طفاء
ونجمي طاح من فوق العوالي
بعد ريناه في كبد السماء
ليست هناك تعليقات:
إرسال تعليق