يا الحايسه بيش نلهيك ... علي خلو دار الغوالي .. للشاعر مراد البرعصي

يا الحايسه بيش نلهيك ... علي خلو دار الغوالي
و يا الجاظره من ايسهيك ... اوحدك فى اسمور الليالي
ويا الزامقه بيش نرظيك ... ونا هذا من الوقت حالي
وياالتايها كي انسيك ... نين تسحبي من خيالي
ذكرت الدار اتعميك ... امواقيك ديما همالي
ويا الباكية من ايسهيك ... وانتي ابكاك ما شط والي
ويا امغونه قول هانيك ... الدار هي سبايب هوالي
و يا السامره النوم ياتيك ... ايمتا او يرتح بالي
ندعي او مدى أيدك ... ودعي امعاي ربي العالي
وانعنا ايفرج عليك ... او نبقو للظحك الطرابه .. وننسو ايام الحنين
ابجاه لوليه و الصحابه ... وابجاه الرسل و الانبين
وابجاه كل صديق مابه ... ايطيع وسوسه من اللعين
و ابجاه كل منبوت صابه ... ايصبح كل من خلق من طين
وابجاه الرعد فى سحابه ... على عد ما سبح اوهز دكين
وابجاه ما نزل فى اكتابه ... وابجاه سر طاها او فى ياسين
وابجاه كل مارتل او صلابه ... حبيبك محمد سيد الكونين
وابجاه كل ما علم اماقرابه ... سيدنا علي و الحسن و الحوسين
وبوبكر او ما طمن وما وصابه ... في غار ثور امغير هم الاثنين
لا اتخاف و لا تحزن الله حبابه ... نا وانت راعينا ارعيت عين
وعنهم اتحد البيتها كرابه ... سمو العنكبوت ابعده بم الزين
وابجاه عٌمر نبع الخطابه ... وابجاه فاطمه طن او رين
وابجاه من ذكر او حدك حابه ... حبيبك محمد شفيع الجمع يوم الدين
وابجاه كل من ذاكر وحدك هابه ... وبجاه من اللي وحيك عليه امين
وابجاه كل ما جاهد انشره شبابه ... ارظاك او كتبته بين علين
عليك الموح خاليت اجنابه ... ان تفرج اطيوك الكون يا معين
اووسع عليه هذيك القرابه ... الله اوفيك ما تقطع رجا مسكين
ان كلا عزيز انسكرو سرهابه ... اقل ارحميته تلاشا غلا وماطك جنيته
ونزيد تطلع فى المهى شرابه ... الخاطر خويته ابري لا مدح لا عطار اولا كويته

سـاكـن فيـــا ، حبك فقلبي ياعزيز عليا ، مازال مالكني وســاكـن فيـــا..

سـاكـن فيـــا ،

حبك فقلبي ياعزيز عليا ،

مازال مالكني وســاكـن فيـــا..

مازالـــت لك ياغـــالي..

ومازلت ديما فيك شاغال بالي..

نمحى ونرسم فيك وسط خيالي..

راني انحبــك مـوت يا غاليا..

انا بيك عايش يا احدود دلالي..

وديما حروفك في اكفوف ايديا..

وكل وقت نطلب في الله العالي..

يحميك وايخليك ديما ليا..

ونبيك يا غالي ونس تبقالي..

وتشبك اصباعك في اصباع ايديا..

نا في بعادك ماغلا يزهالي..

ولا انريد بعدك نا اندير الغيا..

ونا شور صوبك ما ايصير اهمالي..

مادام يا غالي عيوني حيا..

وعہدآآ علياا ما اندير غوالي..

ولا انخون صوبك لا اندير السيا.

ياللي علياا الكون ديما مالي..

انحبك وفي حبك نظيف النيا..

وحطيت في حبك جميع آمالي..

وكلمة انحبك فيك راهي اشويا.

مايهمني كونك أنك دكتوره >> ولا يهمني أنك قريتي بجد.

مايهمني كونك أنك دكتوره

ولا يهمني أنك قريتي بجد.

.

تواطي شوي اليوم ياسنيوره

كان عالقراية نين فتنا الحد

وما في مكان وما عطينا دوره

وكمين دولة زرتها ننشد

وما من شهادة جبتها مشهوره

ولو مكذبة شوفي النت يسد

حبيت نشرحلك بصوت وصوره

بالك تروقي وتفكري بالجد

أن نهايتك.. قارزة ... وتنتوره

وكمين يبرة تنضرب فاليد

ياخذهن مريض. وما يجيبن دوره

يلملم أوراقه وفالعشية يرد

لا عرفتي داه ولا قربتي شــوره

أن داه في راسه أتقولي الخد

وهكي كلامي لك يامــغــروره

مهما أتعلي ما تفوتي الحد.

مايهمني كونك أنك دكتوره

ولا يهمني أنك قريتي بجد

x

من هذاك اليوم.. نحلــف عليها ما عرفــــت النوم..لليـــوم راني..

من هذاك اليوم

نحلــف عليها ما عرفــــت النوم
لليـــوم راني..من هـــذاك اليوم

ما غفينا
ولا نــوم جانا من زعــل كاسينا
رحيـــل الغوالي جرح خلف فينا
عالواقع أمغيب ما أنجيب أعلوم
لو تامنـــوا بالله كيــــــف أبقينا
بلاهم فضيحه ما أهنـاك أعزوم
كذاب لوقتلك خــــلاص أنسينا
ولله أقتنعنـــــا صح بالمقسوم
اللي تقهرك غالي عليه أعبينا
رحل باعنا يا خوي برخص سوم
من هذاك اليوم
من هاذيك الساعه
جــوا الجواجي نارهـــم ولاعه
أبقــــيت نا لليــــــل مالتباعه
تحلـــف علينــــا يارفيقي توم
وان المليسا ننقهـــر للضياعه
ومــرات نبكي بكيت المفطوم
حرام من ساعة نهــار أوداعه
غفــير ليل متبرع أبغفره دوم
من هذاك اليوم

أمسامح راني ..رغـــم الضحيـــه تعتــــــــــذر للجاني في كل مـــا درتــه..أمسامــــــح راني

أمسامح رانيرغـــم الضحيـــه تعتــــــــــذر للجاني

في كل مـــا درتــه..أمسامــــــح راني

خوذ سموحي

ومسامحك رغم السبب في أجروحي

بــــلا عــذر جيتـــك يا عزيـــز أبروحي

وأريـــــاف جابــرني أنعـــــــــاود ثاني

أمسامح راني

شوق حنينيرماني عليــــك أريـــــــاف يا جافيني

بـــــلاك ما ساعــــــــه أتغفي عيني

سامــــح علي ما فــــات ما تنساني

أمسامح راني

بكل أشواقي جيتـــك وكاشفــلك جميــــع أوراقي

ما عــــاد عنـــــدي صـــــبر ليا باقي

ضاقــت الدنيـــا وضـــــاق بي زماني

أمسامح راني

من حنيتي سامحـــت في ما فــــات يا غاليتي

هـــذا دليــــل أنهــا طيابــــت نيتي

تسبق أتسامــح فيــك رغـم أحزاني

أمسامح راني

رغـــم الضحيـــه تعتــــــــــذر للجانيفي كل مـــا درتــه..

أمسامــــــح راني

رقيق اعزوم من فقدت غوالي..وحالي شين عايش عالرجاء

رقيق اعزوم من فقدت غواليوحالي شين عايش عالرجاء

وعندي جرح سامر به ليالي
بيه انموج ونرمي عالبكاء
طبيبه غاب مو عالم بحالي
بعيد علي مو جايب نبا
ملي صار فيا وما جرالي
من سيات ومن هم وكدا
انشالي دوم ماوالي صغالي
امغير الله ليا هو النجا
نطلب فيه يقربلي غوالي
ايجر الجرح وايجيب الدواء
وننظر زول بو حاجب اهلالي
بعد تقهير وايام الجفاء
لكن ياس متربع اقبالي
قال انموت ما صار الدناء
شينك بخت حطمهن امالي
قعدت اوحدي مافيا عزاء
كربت احبال غلاه مع احبالي
ويا ستار يا عالم بحالي
حن علي راه نوري طفاء
ونجمي طاح من فوق العوالي
بعد ريناه في كبد السماء

يحسن الله عزاك.. الي قبل كانوا يا العين احذاك..اليوم وينهم

يحسن الله عزاك.. الي قبل كانوا يا العين احذاك

اليوم وينهم

يحسن الله الآجر...وسبحان من عنده القضاء والقدر
...
الله يلهمك سلون فيه و الصبر...ويعوضك بالخير هو مولاك

مهوش ميت والتماس العذر..الفراق هو الفراق ماغباك
قديمك وفيتى معاه النذر...حكمن ظروف نباع يوم شراك
مو ساهله يريحن أيامك هدر...بقولةاللى مو قاسمة تخطاك
وجيعة حبيبك باصمة في الصدر...تبقى شماتة من ألد أعداك
نباتك مزهر يقلعوا من الجدر...بعد ما سقيتى من منابع ماك
على حين غره والكفا بالغدر...بطعنة اللي كاين وفاه معاك
معاد ينفعها توخي الحذر...نصبولك على خط الآمان أشراك
كانت حسابتك حرير وسدر...ومتخبل ومتشابك سريب غلاك
لقيتيه متهاوى وحادر حدر..فى جرف ماينفع عليه بكاك
وعام الجدب مايفيد فيه البدر..والعقبة لدائربعد مطر سماك
الى هدا ماتعبى معها بقدر...فى وين ما واتت بغل سفاك
خسارة بدهب مقزرين القدر...تغنج بعد نقشت عليه اسماك
يحسن الله عزاك.. الي قبل كانوا يا العين احذاك
اليوم وينهم

كثر خيرها .. تنشد علي مازلت في تفكيرها .. قولولها شكرا وكثر خيرها

كثر خيرها .. تنشد علي مازلت في تفكيرها .. قولولها شكرا وكثر خيرها

قولولها كيف قبل .. جديد ماوجد مقطوع بي الحبل
يشهد الله جربت كل السبل .. تجي عكس ضني تخيب هاللي نديرها
ولو بالرياف ارياف شوقي دبل .. ولو بالحياه ظلمه الحياه من غيرها
ومازلت راكز عقل ماني هبل .. نغلط بغلط يقل من تقديرها

قولولها ع لساني .. شكرا وفيها الخير ياحباني
معاي كيف دمي عايشه جواني .. ويش بعد دمي تكون في تقديرها
مع طيفها عديت عمري هاني .. بلا أسر مانحلف يمين آسيرها
شكرا وفيها الخير تنشد ثاني .. ونا كنت قالق من سبب تأخيرها
مع كل صبح نقول تو تنساني .. وتدير غيرطيري طير يبقى طيرها
ويمكن وبالك دايره جواني .. اشياء وسط راس كادني تدويرها
هواجس كثيره مأسرات كياني .. ع الوجه دايم مرتسم تأثيرها
حتى ونا ميس انها تدناني .. ونافض ايديا من ايجاب كبيرها
قولولها ع العهد باقي راني .. لانخل بيه ولانكون غريرها

قولولها بوقات .. نشعر بغربه وبالألم فوقات
نضحك ونا زامط نصيب آهات .. مع كسور ماتجبر بلاتجبيرها
ونفرح وفرحي لفرحها بالذات .. ونزعل انكان الزعل طق غويرها
نتعب وعيني مالليل تبات .. يجي بين عيني والغطا تصويرها
تجي زايرتني بوقت وقته فات .. حسبته تلاشى في غريق حفيرها
معاي من جديد تهف ذكريات .. بها شي يسعد رغم من تقهيرها
الحاصل بلاها بسوا الحالات .. وايام جايه باين الشوم نذيرها
قولولها كانا ربيعي مات .. ورود الحياه تبقي انسام عبيرها

 

ديـر احسـابـك .. ما ايريـد يقتـلني ان غبت اغيـابـك .. تربـح بلا توديـع

ديـر احسـابـك
ما ايريـد يقتـلني ان غبت اغيـابـك
تربـح بلا توديـع 

ما اتريد تشغل بالي
ولا ايريـد يسرحبك نهـار خيـالي

ولا اتريـد تسـلـب فرحتـى ودلالـي
ولا عـد انخمّـم فيك لا نشقـابـك

اسنين الغـلا هاذيك درتـك غـالي
أيامـاً وهو شوري اميوح شرابك

وماكـان يمـلا في اعيـونـك والـي
غيـري وكنت لكسرتك طبّـابك

لكـن لفـا منـك خبـر فالتـالـي
صفو الغلا عكّــر ونقّـــص قابك

بعد ألقيتني باني عليك آمالي
سدّيت في وجهـي جميـع أبوابـك

والصوب درته ملعبـه وتسـالـي
عـدوّك نهـار ويــوم عزّ احبـابك

تحسـابني نبقـى عليك انشـالـي
وتحسابني نسمر امعا شخشـابك

لا وحقّ من خالق سمــا فالعـالي
ما عـاد كـي لوّل انريـد انهــابَك

مامـن اللـي مالوقـت كـدّت حالـي
مو امغيـر حضـرة ياعزيـز جنابك

مـالك بعد درتـه خطـاك ومـالي
تهنّـى معا غيـري وعيش شبابـك